الاثنين، 23 يونيو 2008

القلب فينا ... ولا احنا فيه ؟



اسمعني يمكن ...
الاقيك في شعري
وفكلمتين دابوا فمشاعري
وفسطر تاه بين الورق

اصل الورق ...
حواري ضلمه ...
بنمشي فيها بالكلام
وبتختفي فيها الآلام
وبتبتدي قصه غرام
ساعات كتير فوق الورق !

تسمحلي طيب اسألك ...
كام سؤال صغيرين ...
محتارين ومحيرين
قلوب كتيره زينا ...

اصلي لقيتنا كلنا ...
خايفين نواجه نفسنا
بالكام سؤال اللي انا
كتبتهم ...
بين السطور المحتارين
فوق الورق !

هوا سؤال ...
كان بس ايه ؟!

ايوه افتكرت ...

القلب فينا
ولا احنا فيه ؟

بنحب لينا ؟
بنحب ليه ؟

والكره لمّا ...
نلاقيه مالينا
قولّي طيب ...
كرهنا ليه ؟!


القلب يحلم
يرسم شراع
والحب مركب
والبحر ساع
كل القلوب ...
وكل المراكب ...
والمستحيل والمستطاع !

القلب شط
والميّه دافيه
والرمله فوقها قصور كتير
والحب مركب
عالشط راسيه
والموجه قاسيه ...
علي ناس كتير !


القلب دق
علشان يعيش ؟
ولا يعيش ...
علشان يدق ؟

القلب يفرح
يطير لفوق
يسرح ويسرح
وكله شوق
ومره واحده
تلاقيه بيبكي
واقوله انسى ...
يقوللي لأ !

القلب بيت
الحب بابه
والفرح فيه
وفيه عذابه
وناس بتسكن
وناس تحب
وناس تخون ...
وتقول صحابه !


فاكر انا سؤالي ايه ؟
اللي مفيش اجابه ليه ...

القلب فينا ...
ولا احنا فيه ؟!

بنحب لينا ؟
بنحب ليه ؟!

ليكوريكا
23/6/2008

-----------------------------------
فاصل اعلاني

خدلك لوك علي بلوج
"أحلام مع ايقاف التنفيذ"
http://lekorika.blogspot.com/
وشوووووووووف
(مطلوب صيدليه)
مع ليكوريكا ... لازم تفصل وصلة النت

:))

هناك 23 تعليقًا:

رئـــــيسـة حزب الأحلام يقول...

سؤال جامد جدا
ومش قادرة اقولك كلامك دة انا كان نفسى اعبر عنه
بجد كلامك جاى على سؤال كلنا بنسأله
بس للاسف القلوب دلوقت موجودة عشان نعيش بس لكن مابقاش فيها مكان للحب
تحياتى لك ولتعبيراتك الرائعة

قلب ينبض لله يقول...

القلب فينا ولا أحنا فيه؟

بص يا دكتور محمد هو الاصل والطبيعي وربنا خلقنا بأن القلب جوانا وبين ضلوعنا

بس علشان نعرف نعيش ونحب ونكون نفسنا مش حد تاني لازم نكون اول ناس جوا قلوبنا
يعني لازم نكون اول حد يحضنه قلبنا يعني لازم نكون احنا فيه


شعرك جميل وكلماتك جميله ولها معني ومضمون
بجد موهووووووب

ღϠ₡ღأمير الهدوءღϠ₡ღ يقول...

وتاني تعليق هنا بردوا

الحقيقه انا عاجز الصراحه على التعليق
لان كلامك وطريقتك شدة انتباهي
واصبحت استمتع وكأني اسمع لا اقرأ

كلام بيلمس المشاعر
وكان طاف في خيالي من زمان ورجع تاني النهارده

القلب فينا ولا احنا فيه

القلب فينا لانه مشاعرنا واحاسيسنا
واحنا فيه لما بنضعف ونكون اسرى لهواه

القلب فينا لما نعرف نتحكم فيه
واحنا فيه لما عينا تدمع لدمعة عين الحبيب

بوست راااائع جدااااا
وفي النهايه اختمها بكلمه
قد لا تشعر بالحب ولكن قلبك يشعر به

تحياتي وتقديري
أمير مملكة الهدوء
أحمد
^_^

ღϠ₡ღأمير الهدوءღϠ₡ღ يقول...

: ( حظي كده طلعت تالت تعليق ههههههه

سلام يا جميل
ومنتظر جديدك دايما

: )

غير معرف يقول...

يا عم يا عم ماااااااااااشي ماااااااااشي هعديلك التهديدات اللي كتبتهالي في مدونتك التانية بس عشان الجمال اللي انا قريته
كلماتك سهلة ولذيذة
كمل كمل وادينا كمان

مها ميهوووو

just smile يقول...

غريب اوي
وبجد عجيب
فكرت خلاص
مابقاش قلوب
فينا ولا فيها
وتفرق بأيه
هاتلي قلب في حد فينا
قلب لسه في جوانبه ضي
هتقولي في
وادي واحد ... اتنين .. تلاته
هقولك
وادي هناك ميه ... الف
وانت لسه بتقول قلوب
ما خلاص بدلوها من زمان بطوب
...............................
اسيبنا من كلامي ده واققلك بجد يا
ليكو سؤالك جميل
بجد
وكلامك بجد اجمل
تقبل مروري

كاميليا بهاء الدين يقول...

الله الله الله

جمييييييييل اوى

القلب فينا وفى نفس الوقت احنا فيه


تحياتى وتقديرى

عيله مفتريه سابقا يقول...

اية ده انت شاعر بجد
لالا الكلام ده كبير
وياه بقى على فلسفتك وسؤالك
دنا بقالى يعنى مش عارفه كام سنة
مش عارفه ارد عليك

ورغم كلامك يعنى المفرح
الا انى وجعتنى
وتعبتنى
ونفسى اعرف بس جبت الكلام ده منين

وربنا تشكر
واستمر يابنى انت شاعر جامد جدا

سلامى

Blue Nile يقول...

بجد جميل اوي
وفعلا كل الاسئلة اللي سالتها كلنا بنسالها
جميل اسلوبك اوي بجد العامية بتاعتك حلوة

ذربونة هانم يقول...

يجد بجد تحفه اوى اوى اوى
غيرت مودى بجد
ميرسىىىى

محاولة لكسر الصمت يقول...

القلب فينا ...
ولا احنا فيه ؟!

بنحب لينا ؟
بنحب ليه ؟!
ـــــــــــــــ
بجد بجد...كل قصيدة احلى من اللي قبلها....بس القصيدة دي فيها حاجة مختلفة..يمكن زي ما قلت..يمكن لاننا خايفين نواجه نفسنا بالكام سؤال المحتارين فوق الورق...
.........وطبعا متهيالي هيفضلوا محتارين ومحيرين..بس برضه بحييك على قصيدتك الرااااااااااااااائعة

ليكوريكا يقول...

Blogger رئـــــيسـة حزب الأحلام يقول...

سؤال جامد جدا
ومش قادرة اقولك كلامك دة انا كان نفسى اعبر عنه
بجد كلامك جاى على سؤال كلنا بنسأله
بس للاسف القلوب دلوقت موجودة عشان نعيش بس لكن مابقاش فيها مكان للحب
تحياتى لك ولتعبيراتك الرائعة

---------------------------------

معقوله رئيسة حزبنا الموقر بنفسها وفاول تعليق كمان :)))

القلوب جايز تكون دلوقتي بقت صيقه وصيقه اوي
لكن اكيد فيها مكان للحب
والا تبقي قلوب مهجوره
نخاف نعيش فيها ومينفعش تغيش فينا

ليكوريكا

ليكوريكا يقول...

بس علشان نعرف نعيش ونحب ونكون نفسنا مش حد تاني لازم نكون اول ناس جوا قلوبنا
يعني لازم نكون اول حد يحضنه قلبنا يعني لازم نكون احنا فيه


--------------------------

عين العقل والله

اجابه نموذجيه (من كتاب الوزاره :) )

اكيد دي مش انانيه ... لان بمنتهي البساطه

فاقد الشيء ... لا يعطيه

منوراني ... واتمنى لقلبك نبضات الهيه دايئمه باذن الله

ليكوريكا

ليكوريكا يقول...

.»--•ًٍ[Mًٍ®ًٍ.ًٍ¢ًٍâًٍٍَlٍMًٍ]•--«. يقول...

وتاني تعليق هنا بردوا

الحقيقه انا عاجز الصراحه على التعليق
لان كلامك وطريقتك شدة انتباهي
واصبحت استمتع وكأني اسمع لا اقرأ

كلام بيلمس المشاعر
وكان طاف في خيالي من زمان ورجع تاني النهارده

القلب فينا ولا احنا فيه

القلب فينا لانه مشاعرنا واحاسيسنا
واحنا فيه لما بنضعف ونكون اسرى لهواه

القلب فينا لما نعرف نتحكم فيه
واحنا فيه لما عينا تدمع لدمعة عين الحبيب

بوست راااائع جدااااا
وفي النهايه اختمها بكلمه
قد لا تشعر بالحب ولكن قلبك يشعر به

تحياتي وتقديري
أمير مملكة الهدوء
أحمد
^_^

--------------------------

يعيني يعيني

وبتقول انا اللي كلامي حلو :)))

انت تاخد الفول مارك كده :)))

ليكوريكا يقول...

.»--•ًٍ[Mًٍ®ًٍ.ًٍ¢ًٍâًٍٍَlٍMًٍ]•--«. يقول...

: ( حظي كده طلعت تالت تعليق ههههههه

سلام يا جميل
ومنتظر جديدك دايما

: )

---------------------------

يا احمد انت البلوج كله بتاعك

مش تاني وتالت تعليق

منورني ويارب دايما :)

ليكوريكا يقول...

أحسن تـستاهـل يقول...

يا عم يا عم ماااااااااااشي ماااااااااشي هعديلك التهديدات اللي كتبتهالي في مدونتك التانية بس عشان الجمال اللي انا قريته
كلماتك سهلة ولذيذة
كمل كمل وادينا كمان

مها ميهوووو

-----------------------------

ماشي يا مها

هكمل باذن الله ...

بس طول منتي متطهده اسمي

مش هتلاقي الموبايل :)))

باذن الله يعني :)

منوره بلج المشاعرجيه

ابقي تعالي كتير :)

ليكوريكا يقول...

وانت لسه بتقول قلوب
ما خلاص بدلوها من زمان بطوب
...............................


:(((

كلامك انتي اللي رائع

بس يارب ميكون حقيقه :(

لانها هتبقي حقيقه مره اوي

تحياتي ليكي ... ومتقفليش البلوج تاني :))

ليكوريكا يقول...

كاميليا يقول...

الله الله الله

جمييييييييل اوى

القلب فينا وفى نفس الوقت احنا فيه


تحياتى وتقديرى

*-----------------*

كاميليا

منوره البلوج

وانتي اسعارك واختياراتك روعه

تحياتي ليكي

ليكوريكا

ليكوريكا يقول...

اية ده انت شاعر بجد
لالا الكلام ده كبير
وياه بقى على فلسفتك وسؤالك
دنا بقالى يعنى مش عارفه كام سنة
مش عارفه ارد عليك

ورغم كلامك يعنى المفرح
الا انى وجعتنى
وتعبتنى
ونفسى اعرف بس جبت الكلام ده منين

وربنا تشكر
واستمر يابنى انت شاعر جامد جدا

سلامى

--------------------------

اهلا بيكي يا عليتنا المفتريه

كويس ان الكلام عجبك

حسن انا اساسا بعمل الف حساب للعيال الصغيرين

ايش حال بقي المفترييييييييين اللي زي حالاتك

البلوج نور ...

ابقي تعايلي كتير :)))

ليكوريكا يقول...

Blue Nile يقول...

بجد جميل اوي
وفعلا كل الاسئلة اللي سالتها كلنا بنسالها
جميل اسلوبك اوي بجد العامية بتاعتك حلوة

-------------------------

شكرا بلو نايل
اتمني تنوريني دايما
ومتظر تعليقك عالبوست الجاي

ليكوريكا

ليكوريكا يقول...

ذربونة هانم يقول...

يجد بجد تحفه اوى اوى اوى
غيرت مودى بجد
ميرسىىىى

------------------------

طاب الحمد لله

بس يارب يكون مودك اتغير للاحسن :)))

منوره المكان ...

اتمني التواصل دايما :)

ليكوريكا يقول...

بجد بجد...كل قصيدة احلى من اللي قبلها....بس القصيدة دي فيها حاجة مختلفة..يمكن زي ما قلت..يمكن لاننا خايفين نواجه نفسنا بالكام سؤال المحتارين فوق الورق...
.........وطبعا متهيالي هيفضلوا محتارين ومحيرين..بس برضه بحييك على قصيدتك الرااااااااااااااائعة

27 يونيو, 2008 01:36 ص

------------------------

شكرا ليكي بجد علي تشجيعك ده

انتي وكل اخواتي من البلوجرز

اتمني ميكونش مجامله

واتمني دايما اكون عند حسن الظن

البلوج بلوجك ودايما منوره يارب

ليكوريكا

غير معرف يقول...

جميله يا ليكو رغم ما فيها من كآبه .. لكن بجد حلوه ..
تسلم ايدك ..
( وبرضو مش هكتئبببببببببب ) :P