السبت، 12 يوليو 2008

كلمه واحده !


في البدايه بس يا جماعه انا عاوز اعتذر للناس كلها علي اني مقصر في الزيارات والردود ، بس بجد والله يا جماعه بسافر كل يوم وظروف قعادي في البيت بقت مش بايدي خالص ، اتمني تعذروني وباذن الله هحاول علي قد مقدر اكون عندكم في اقرب وقت

ليكوريكا


كلمه واحده!

كلمه واحده
بس مستنيها منك
كلمه سهله
طب ليه صعب أسمعها منك

كلمه وحياتي فداها
كلمه نفسي أعيش معاها

كلمه كل اللي ما بينا
يبقى فيها
لو تمنها يبقى عمري
أشتريها

كلمه حلوه
تخلي معنى الحب
يكبر
كلمه صافيه
نحس فيها الكون ونسهر

تهزم الدمعه في عينينا
تقتل الآهه في جفونّا
توصل الفرحه بماضينا
يبقى بيها العمر جنّه

كلمه بيها الكون جميل
تلغي كلمه مستحيل

كلمه ومعيشني فيها
شوف في قلبك هتلاقيها

بس قولها ...
كان حياتي تبقي نور من بعد نار
كنت أعبر بيها سور
أو100جدار

قولها يا حبيبي هتقدر
أنت قلبك زي قلبي
ويمكن أكتر

قولها مره مش هتندم يوم عليها
قولها واللهِ انت حاسس زيي بيها
قولها وانت بتبكي زيي من الغرام
قولها حتى وانت مش لاقي كلام

قولها لما تفتكرني
قولها وانت بتبتسملي
أو بتضحك
يا حبيبي قول بحبك!

ليكوريكا

--------------------------

شوف وقفه مصريه

بلوج

http://lekorika.blogspot.com/

(احلام مع ايقاف التنفيذ)

هناك 23 تعليقًا:

رئـــــيسـة حزب الأحلام يقول...

هى فعلا كلمه ممكن نكون بنسمعها كتير بس من غير صدق
بس لو اتقالت بصدق الدنيا ومافيها
الف تحيه لك

زفته وقطران يقول...

قولها لما تفتكرني قولها لما تبتسملي
ياحبيبي قول بحبك


بس لو اتقالت صادقه مش هزار
او مجامله

جميله اوي

دعوة للأمل يقول...

كلماتك بسيطة و معبرة و فيها احساس جميل و دول حلوين جدا
كلمه بيها الكون جميل
تلغي كلمه مستحيل

كلمه ومعيشني فيها
شوف في قلبك هتلاقيها

بس قولها ...

ياسر سليم يقول...

ماشى يا عم

ربنا يكرمك وتسمع الكلمة اللى انت عايزها

إنتظارات شاهقة يقول...

كلمة
ويالها من كلمة
حروفها نغم
تحمل حين نطقها
اعاصير من الاشواق
والحنان والغيرة
كلمة
تشعرنا اننا بشر
دومت ودام قلمك

Blue Nile يقول...

جميلة جدااااااااا

عارف رغم ان الفكرة اتقالت قبل كده وان معظم الحاجات اللي قريتهالك قبل كده فيها فكرة مختلفة
الا انك بجد عبرت باحساس جميل ومختلف ودخل قلبي وشايفاها من اجمل ما كتبت

لو تمنها يبقى عمري
أشتريها

قولها وانت بتبكي زيي من الغرام
قولها حتى وانت مش لاقي كلام

جميل جدااا
بالتوفيق دايما

Marionette يقول...

في واجب في مدونتي ليك عشان تعملو ( مش اجباري على فكرة :P)

بنت النيل يقول...

هى كلمة صح

تهزم الدمعه في عينينا
تقتل الآهه في جفونّا
توصل الفرحه بماضينا
يبقى بيها العمر جنّه

كلمه بيها الكون جميل
تلغي كلمه مستحيل

مشاعر واحساس رائع

دومت بخير
وكل عام وانتم بخير بمناسبة شهر رجب
بنت النيل

قلب ينبض لله يقول...

ربنا معاك في مشغولياتك وسفرياتك

وانا عاوزة اقولك كلمة واحدة

انت فناااااااااااااااااااان

بس خلاص:D

بنت مصريه يقول...

ايه الجمال ده يا ليكوريكا
على فكره فيه ناس بتبقى بتحب قوى بس برغم كده بيبقى صعب عليها قوى انها تنطق بلفط الحب للى بيحبوه

just smile يقول...

بجد مش بقيت عااااااااااارفه اققلك ايه
لكن عندي ملحوظه وحيده

بس قولها ...
كان (لو قلت كانت على ما اعتقد هتكون مناسبه) حياتي تبقي نور من بعد نار
كنت أعبر بيها سور
أو100جدار


سوري على التأخير
وبجد احساس عااااالي

ليكوريكا يقول...

رئـــــيسـة حزب الأحلام يقول...

هى فعلا كلمه ممكن نكون بنسمعها كتير بس من غير صدق
بس لو اتقالت بصدق الدنيا ومافيها
الف تحيه لك

----------------------------------

مش مهم نسمعها بصدق علي فكره

المهم اننا نكون نفسنا نسمعها

ياما كتير قالوها بصدق والطرف التاني سمعوها بفتور

منورانا يا رئيبة حزب احلامنا :)

ليكوريكا يقول...

حذف
Blogger زفته وقطران يقول...

قولها لما تفتكرني قولها لما تبتسملي
ياحبيبي قول بحبك


بس لو اتقالت صادقه مش هزار
او مجامله

جميله اوي

---------------------------

مفيش مجامله في الحب

واي حد ممكن يحدد اذا كانت صادقه او لأ

في ناس كتير بتحب تقولها وناس اكتر بتحب تسمعها

بس مين يحسها ؟

هوا ده المهم :)

نورتوني

ليكوريكا يقول...

دعوة للأمل يقول...

كلماتك بسيطة و معبرة و فيها احساس جميل و دول حلوين جدا
كلمه بيها الكون جميل
تلغي كلمه مستحيل

كلمه ومعيشني فيها
شوف في قلبك هتلاقيها

بس قولها ...

12 يوليو, 2008 0

*---------------------------*

شكرا ليكي

اتمني يكون الكلام فعلا عجبك

ابقي نوريني كتير :)

ليكوريكا يقول...

ياسر سليم يقول...

ماشى يا عم

ربنا يكرمك وتسمع الكلمة اللى انت عايزها

--------------------------------

يارب

نحسها كلنا قبل منسمعها

ده الاهم :)

ليكوريكا يقول...

احلام اليقظة يقول...

كلمة
ويالها من كلمة
حروفها نغم
تحمل حين نطقها
اعاصير من الاشواق
والحنان والغيرة
كلمة
تشعرنا اننا بشر
دومت ودام قلمك

-----------------------------------

شكرا ليكي علي زيارتك وردك وكلامك الجميل

اتمني كلنا نسمعها ونحسها

بجد محتاجين الحب عشان نقدر نكمل

تحياتي ليكي

ليكوريكا

ليكوريكا يقول...

Blue Nile يقول...

جميلة جدااااااااا

عارف رغم ان الفكرة اتقالت قبل كده وان معظم الحاجات اللي قريتهالك قبل كده فيها فكرة مختلفة
الا انك بجد عبرت باحساس جميل ومختلف ودخل قلبي وشايفاها من اجمل ما كتبت

لو تمنها يبقى عمري
أشتريها

قولها وانت بتبكي زيي من الغرام
قولها حتى وانت مش لاقي كلام

جميل جدااا
بالتوفيق دايما

---------------------------------

سعيد بردك يا بلو نايل

ومعلش اليومين دول بدخل بالعافيه

عشان كده معظم الحاجات اللي بنزلها مش بتبقي لسه مكتوبه

بس اكيد حاجات بعتز اني كتبتها

منروه البلوج يا دكتورتنا

واتنمالك التوفيق

ليكوريكا

ليكوريكا يقول...

Marionette يقول...

في واجب في مدونتي ليك عشان تعملو ( مش اجباري على فكرة :P)

---------------------------------

باذن الله يتحل مع واجب سفروته في البلوج التاني

يارب الاقي وقت احله

المواد عبه اوي :)))

ليكوريكا يقول...

Blogger بنت النيل يقول...

هى كلمة صح

تهزم الدمعه في عينينا
تقتل الآهه في جفونّا
توصل الفرحه بماضينا
يبقى بيها العمر جنّه

كلمه بيها الكون جميل
تلغي كلمه مستحيل

مشاعر واحساس رائع

دومت بخير
وكل عام وانتم بخير بمناسبة شهر رجب
بنت النيل

---------------------------

كل عام والامه الاسلاميه كلها بخير

منوره البلوج واتمني تكون الكلمات فعلا عجبتك

شكرا ليكي مره تانيه

ليكوريكا يقول...

قلب ينبض لله يقول...

ربنا معاك في مشغولياتك وسفرياتك

وانا عاوزة اقولك كلمة واحدة

انت فناااااااااااااااااااان

بس خلاص:D

18 يوليو, 2008 12:37 ص
--------------------------------

ياه الدعوه دي جت فوقتها

بجد بهدله اوي الكورس اللي باخده ده

وكمان لمده شهرين

ربنا يقويني ويقوي زمايلي

وشكرا علي مجاملتك الرقيقه دي

دي مجرد مشاعر :)

منوره كالعاده ...

ليكوريكا يقول...

بنت مصريه يقول...

ايه الجمال ده يا ليكوريكا
على فكره فيه ناس بتبقى بتحب قوى بس برغم كده بيبقى صعب عليها قوى انها تنطق بلفط الحب للى بيحبوه

--------------------------------

عندك حق :(

فين البسبوسه صحيح ؟ :)

ليكوريكا يقول...

just smile يقول...

بجد مش بقيت عااااااااااارفه اققلك ايه
لكن عندي ملحوظه وحيده

بس قولها ...
كان (لو قلت كانت على ما اعتقد هتكون مناسبه) حياتي تبقي نور من بعد نار
كنت أعبر بيها سور
أو100جدار


سوري على التأخير
وبجد احساس عااااالي

--------------------------------

جميله الملحوظه بجد

عاوزين من ده كتيييييييير :)

نورتيني يا جست سمايل :)

غير معرف يقول...

ربنا يشفيك حالتك صعبة اوى