قالولي شايف ؟
قلت شايف ...
قالولي حاسس ؟
قلت يمكن ...
قالولي ايه رايك في دنيا ؟
قلت حاره ... وفيها نسكن !
بس حارة دنيتي
سكانها تعبوا ...
وعيالها غرقوا في شبر هم
وبناتها لابسين الهوا
ومعدش فيها شيء مهم !
وفحارتنا قصر عالي
فوقه في سجان كبير !
كل يوم ...
يحبس شروق الشمس
ويشتري منّا الضمير !
والقصر ليه ابواب كتير
باب لاحلامنا الجميله ...
تدخل ومبتخرجش منه !
وباب لطفل نفسه يكبر ...
سرقوا حلمه غصب عنه !
وباب لصوتنا ...
للكرامه والبطوله والكفاح
واللي راح ...
واللي روحنا فداه تروح
والجراح ...
كله ده عاملينله باب
قدامه عتبه ...
فيها مداس
بيدوسوا فيها برجلهم عالحقيقه
علشان تبان لينا سراب !
وحارتنا مش بس ناس
ولا حتى قصر وفيه مداس
حارتنا فيها قبور كتير
لجدود جدودي
ودموع خدودي
وللضمير !
وللأمانه ...
ساعات حيطانها بيدهنوها
ابيض وبمبي
والراديو اللي جوه قلبي
ساعات يدق !
والحق حق ...
ساعات كتير بدعي واقول
- يارب فرحه -
والفرحه تيجي ...
بس مفيش ليها مكان فاضي فقلبي !
لكني عايش ...
ومعيش فلوس اعيش فغيرها
وقلبي قلبي ...
والفرحه مهما تغيب فاكرها
والحاره عايشه ...
من غيري بيا مش هتفرق
يمكن اموت وكلامي يفرق !
او حتي اعيش في الحاره واصبر
وصبري يمكن هوا اللي يفرق !!!
ليكوريكا
6/10/2008
----------------------------------
اسف لعدم ردي علي الناس
بس باذن الله هحاول ارد عالكل
وانا بفضل اني ارد علي الناس في بلوجاتهم احسن
كل سنه وانتو طيبين
ليكوريكا
هناك 29 تعليقًا:
وأول كومنت هنا كمان :)
البوست جامدأوي
باب لاحلامنا الجميله ...
تدخل ومبتخرجش منه !
وباب لطفل نفسه يكبر ...
سرقوا حلمه غصب عنه !
جردونا من أحلامنا منذ نعومة أظافرنا
سلبونا أفراحنا ، بقينا عايشين وخلاص
توهنا وسط الزحام
بيدوسوا فيها برجلهم عالحقيقه
علشان تبان لينا سراب
عتموا الحقيقة قدامنا علشان ما نعرفش نرفع صوتنا ، وما يزيد التوهان
بس لا يغير الله ما بقوم حتي يغيروا ما بأنفسهم
المفروض كل واحد فينا يغير نفسه ويمشي صح
ونتعلم نقول لأ وما نخافش
تحياتي ليك
دمت مبدعا
نبييل
حاره؟
ياترى حاره سد ولا لأ؟
نفسك الطويل المتمكن منه دا بيبهرني بجد
احساسك اللي على طول القصيده اللي مبيهربش بحبه اوي
بجد كتاباتك فرقت اوي من ساعه ما عرفتك :):)
يارب ديما
باب لاحلامنا الجميله ...
تدخل ومبتخرجش منه !
وباب لطفل نفسه يكبر ...
سرقوا حلمه غصب عنه !
-------------
بجد جاااااامد ومولم في نفس الوقت
الله عليك برعت في اختيار الالفاظ والكلمات
كل سنه وانت بخير واعذرني لتاخري في الرد
تحياتي
كيارا
ليكو
سلام عليكم
بجد تحفة والله
بحس اسلوبك مدى على الرتم السريع بيتقرى بنفس طريقة قصائد لصلاح جاهين واحمد نجم وكدة
باب لاحلامنا الجميله ...
تدخل ومبتخرجش منه !
وباب لطفل نفسه يكبر ...
سرقوا حلمه غصب عنه !
بجد الجزء ده حلو اووووووى والاجمل معناها والمشاعر اللى وراها
تسلم ايدك
تحياتى
ايمى
وفحارتنا قصر عالي
فوقه في سجان كبير !
كل يوم ...
يحبس شروق الشمس
ويشتري منّا الضمير !
باب لاحلامنا الجميله ...
تدخل ومبتخرجش منه !
وباب لطفل نفسه يكبر ...
سرقوا حلمه غصب عنه !
كله ده عاملينله باب
قدامه عتبه ...
فيها مداس
بيدوسوا فيها برجلهم عالحقيقه
علشان تبان لينا سراب !
لاء بجد كلام جامد اوى
بحييك عليه
"والقصر ليه ابواب كتير"
الابواب كلها عندك حق فيها
ربنا معانا
جميلة يا ليكو
والفرحه مهما تغيب فاكرها
بتفتكرها بألم الغياب ولا بفرحة الاشتياق ؟
تحياتى
وفاء
إحساسك عالى قوى
ربنا يزيدك ويحفظك
تقبل تحياتى
كل سنة وحضرتك بخير
الله الله الله على كلامك الرائع
بجد ما شاء الله عليك مبدع
فعلا الدنيا حاره
بجد وصف رائع
:)
بجد بجد لا والله بجد فعلا رهيب حلوة جدا والله تسلمخصوصا باب لاحلامنا الجميلة تدخل ومبتخرجش منه....وباب لطفل نفسه يكبر سرقوا حلمه غصب عنه..حلوة قوى معبرة جدا
الله عليكى يا مصر
لما يحس بيكى ناس بيجرى جوا عروقها دم
الله عليكى
لما يكتب فيكى شعر
قلب مالى عروقه هم
بس خايف
لأ دا حاسس باللى فيكى
وحابب ترابك الغالى
وحالف يحرر بايده الاساور
اللى لفه فى رقاب العز ذل
................................
وفحارتنا قصر عالي
فوقه في سجان كبير !
كل يوم ...
يحبس شروق الشمس
ويشتري منّا الضمير !
والقصر ليه ابواب كتير
باب لاحلامنا الجميله ...
تدخل ومبتخرجش منه !
وباب لطفل نفسه يكبر ...
سرقوا حلمه غصب عنه !
وباب لصوتنا ...
للكرامه والبطوله والكفاح
واللي راح ...
واللي روحنا فداه تروح
والجراح ...
..........................
تحياتى لقملك المبدع
و احساسك العالى
سندريلا
ايمان
منوره المقصوره الرئيسيه
تعليقك جميل
والغريب ان كتير بيقولوه ومقتنعين بيه
يا تري العيب في مين ؟
بصراحه محتار !!!
بنت الماضس
(ايمان برضو)
حاره سد يا ايمان
بس باذن الله نقدر نفتحا علي شوارع كبيره لاحلامنا وايامنا الجميله اللي جايه باذن الله
هصبر زي مقلت ... يمكن صبري هوا اللي يخليها متبقاش سد
وبالنسبه لنفسي الطويل فخلاص قرب يتقطع :)
نورتيني ...
كيارا
كفايه انك نورتي البلوج ورديتي
ربنا يصلح الحال يارب
وكل سنه وانتي بخير وسعاده ...
ايمي
صلاح جاهين عمنا
هوا فيه زيه :)
ربنا يكرمك يارب
كفايه تشبيهك ده
نورتي البلوج ...
كل سنه وانتي طيبه
الصمت
شكرا ليك عالتعليق
وعن خروجك عن الصمت
اتمني متكونش اخر مره
ليكوريكا
sometimes
هنصبر باضن الله
وصبرنا هيبقي مفتاح لكل الابواب عشان نصلح اللي جواها
شرفتيني يا استاذتنا
ليكوريكا
وفاء
اتمني تقوليلي انتي حسيتي ايه
الاحساس اللي وصلك هوا اكيد اللي انا اقصده
شكرا لمرورك ...
تقبلي تحياتي :)
ليكوريكا
محمد
ربنا يكرمك يارب
ونورت البلوج بجد
يارب تشرفني دايما
شكرا ليك :)
ليكوريكا
امير الهدوء
عود أحمد :)
اتمني متغيبش علينا تاني
كل سنه وانت بخير
ليكوريكا
انجي
منوره البلوج دايما
يارب ابقي عند حسن الظن
وشويه المشاعر يعجبوكم
شكرا للمرور والرد
تحياتي ليكي
ليكوريكا
الله علي مشاركتك يا سندريللا
بجد كلامك اسعدني جدا
بشكرك علي مشاركتك الجميله
يارب يكون الكلام عجبك بجد
ومتكونش اخر مشاركه
تقبلي احتراماتي
ليكوريكا
اول مرة يدق قلبى على بابك
ما اجمل تعبيراتك ايها الكريم
كرم فى عطاؤك واختيار للالفاظ فوق الوصف
من اجمل ما قرات فى صورة حقيقة
لقذ ذكرتنى بذلك الكاتب الجميل انطونى كروجر وكذلك توماس مان فى كتبهم وروايتهم عن الاضطهاد والحرب النفسية للشباب والظلم فى العهد الانجليزى القديم
انحنى لكلماتك احتراما .. ولاسلوبك الراقى
لك منى :)
من بعيد اوى .. بكتبلك
رائعه .. فعلا رائعه
تحياتي .. حسيت نفسي فيها فعلا
أبدعت
سلام :)
كله ده عاملينله باب
قدامه عتبه ...
فيها مداس
بيدوسوا فيها برجلهم عالحقيقه
علشان تبان لينا سراب !
):
ماشاءالله
بجد حلوة اوووى
ربنا يزيدك
تحياتى
سلاااااااااااااااااام....كيف الحال
إن شاء الله تكون فاكرني!!!!عفواً على طول الغياب ولكن مشاغل كتيره.....كلامك أكثر من رائع فعلاً بدون مبالغة، كلام يضيّع وكلام عذب يسافر فينا لأبعد من البعيد....
إسراء
أول زيارة و إن شاء الله ماتكونش الأخيرة
أكتر من رائع.. أكتر من واقعي.. وجعني أوي زي الحقيقة المرة اللي عايشينها
good job
كلامك جميل و معبر
وباب لصوتنا ...
للكرامه والبطوله والكفاح
واللي راح ...
واللي روحنا فداه تروح
والجراح ...
و انشاء الله تبقى ايامنا كلها فرحة
كلامك جميل و معبر
وباب لصوتنا ...
للكرامه والبطوله والكفاح
واللي راح ...
واللي روحنا فداه تروح
والجراح ...
و انشاء الله تبقى ايامنا كلها فر
إرسال تعليق