الخميس، 17 أبريل 2008

احضان الحبايب




يجلس هناك ، خلف كل الهموم ، ينظر اليها في ترقب ، يرتجف رغم حرارة الجو ،
ولا يبالى بكل المتواجدين ، يدندن باغنيه من التراث الجميل رغم انه صوته (مبحوح) ولا يصلح الا السكوت
يغني ويكرر الغناء ، يدندن ولا يسمعه غيره ، ينغمس في جو من الرومانسيه الحزينه ، صنعه لنفسه وعاشه أيضا مع نفسه

مشيييييت مشيييييييييييييت على الأشواك
وجيت لأحبابك
لا عرفو ايه وداك ولا عرفوا ايه جابك

مشيييييت مشيييييييييييييت على الأشواك
وجيت لأحبابك
لا عرفو ايه وداك ولا عرفوا ايه جابك

رميت نفسك فحضن
سقاك الحضن حزن


حتى في احضان الحبايب
شوك شوك يا قلبي

--------------------------------------
ياخذ نفس عميق ، ويتنهد ببطء ، تجتاحه الان اعاصير من الهموم ، يقاومها بالسكوت للحظات ،
ثم يواصل بصوت مليء بالأمل المقتول ويقول :

مشينا هناك ورحنا واللي هناك جرحونا
وجينا شايلين جراحنا وبكينا وقلنا جينا

مشينا هناك ورحنا واللي هناك جرحونا
وجينا شايلين جراحنا وبكينا وقلنا جينا

جينالكم ياللي لينا
مدو ايديكم خدونا
شيلوا الشوك من صدورنا
والدمعه من عنينا

اللي جينالهم ياقلبي يا قلبي
بجراحنا جرحونا ..
بجراحنا جرحونا ..

----------------------------------

يتوقف مره اخري وقد بدأت سدود عينيه تتهاوى امام فيضان الدموع الغزيز ، وخدوده الخصبه تتأهب ان تعانقها في شوق ولهفه وخوف ايضا ، فهو يواصل غناؤه الهامس قائلا :

ابكي
ابكي تحت الليالي
والخوف ملو الضلوع
قلبي
قلبي يا بلاد غريبه بتنورها الدموع

ابكي
ابكي تحت الليالي
والخوف ملو الضلوع
قلبي
قلبي يا بلاد غريبه بتنورها الدموع


رميت نفسك فحضن
سقاك الحضن حزن

رميت نفسك فحضن
سقاك الحضن حزن

حتى فاحضان الحبايب
شوك ... شوك ... يا قلبي

-------------------------------------
يتألم قليلا ، ويثور على الاشواك ، يبدأ في نزعها شوكه شوكه ،
وتسيل دماء الذكريات علي وجوه الصور التى كانت سعيده ، يتنفس ببطء شديد وكان الاحلام ارواح تخرج من جسده الي العالم الآخر، حيث الهدوء والأمان والغموض ايضا !


ياللي فليل البعد بننده
بننده تبقوا معانا
ياللي بنحلم بيكم
ضحكه
واحنا حزانا !

باسم هواكم ليا
بتطفوا الشمعه الباقيه فلياليا
باسم العطف عليا
بترشوا الشوك
بترشوا الشوك في طريق ايامي الجايه

------------------------------------------------
يغمض عينيه كثيرا ، يبحث عن النور بداخله ، يغوص في اعماقه مع كل شهيق ، ثم يعود ليطفوا سريعا مع كل زفير ، ويسأل كل من حوله ولكن لا احد يجيب !

يا شط كان مفروش هنا وحب واماني
ازاي تسلم مركبي للحزن تاني

الدنيا غايمه في عيوني
الدنيا غايمه في عيوني

على فين يا حزن
على فين يا حزن
علي فين يا حزن موديني ؟

في رحلة الوهم البعيده
البعيده
في رحلة الحزن الجديده

ابكي
ابكي تحت الليالي
والخوف ملو الضلوع
قلبي
قلبي يا بلاد غريبه بتنورها الدموع

رميت نفسك فحضن
سقاك الحضن حزن

رميت نفسك فحضن
سقاك الحضن حزن

حتى فاحضان الحبايب
شوك ... شوك ... يا قلبي !

--------------------------------------

يتجرع كأس الاحزان وهوا صامت ، يشرب الكأس تلو الاخر ، يصمت احيانا ويثور احيانا اخرى ،
ولكن لاشك انه الآن اصبح ثملا ، بدرجه تجعله اضعف من ان ينزع شوكه واحده من صدره ، يستسلم للاشواك كما استسلم للاحزان ، ويفتح صدره قليلا ليخرج قلبه المجروح ويحفر حفره علي شاطىء الحياه ، يواري قلبه ويتألم لفراقه ،
يصلي عليه ويدعوا له ، ثم يفارقه الي الأبد !


هناك 8 تعليقات:

just me يقول...

يبدأ في نزعها شوكه شوكه ،
وتسيل دماء الذكريات علي وجوه الصور التى كانت سعيده
----------------

تشبيهاتك صعبه اوى يا نبيل

وبالذات التشبيه اللى فات وبتاع يتجرع كأس الاحزان

هى طبعا مؤثره لدرجه انى اتأثرت بيها بس صعبه اوى

ليكوريكا يقول...

شكرا يا ايوان عالرد

بس طالما التشبيهات مؤثره يبقي ده كويس بغض النظر عن اي حاجه

تقصدي بصعبه ايه بالظبط ؟

just me يقول...

صعبه يعنى حاده اوى

او بمعنى أصح قاسيه جدااااا

يعنى ممكن توصل معنى قاسى بس باسلوب مش حاد كده

لكن انت وصلت كلامك بالمعنى واللفظ

فده صعب جدااااا على اللى بيقرا

ليكوريكا يقول...

صعبه يعنى حاده اوى

او بمعنى أصح قاسيه جدااااا

يعنى ممكن توصل معنى قاسى بس باسلوب مش حاد كده

لكن انت وصلت كلامك بالمعنى واللفظ

فده صعب جدااااا على اللى بيقرا

---------------------------------

ليكوريكا

(الإختلاف ... نجعلك تكتئب باحتراف)

:)))

منتي عارفه يا ايوان انا بكتب اللي بيجي في دماغي مهما كان من غير مفكر قاسي ولا مش قاسي ، او حاد ولا مش حاد

المهم حبة المشاعر اللي بيتمشوا في الأورطي يطلعوا بسلام ، دبل ميقفوا جوا ويجيبولي جلطه لا قدر الله (بعد الشر بعد الشر يعني :)) )

غير معرف يقول...
أزال أحد مشرفي المدونة هذا التعليق.
mostafa rayan يقول...

ممكن اقولك حاجة وتقبلها مني انا حاسس ان الشخص دة ضعيف قوي
ويستاهل كلالشوك اللي مالي جسمه لأنه لما حد يجرحني اسيبه وانساه مش افضل اعذب نفسي به
قد يكون رأيي حادا بعض الشيئ ولكن بتخنق قوي منالناس اللي تفضل تعذب نفسها باسم الحب والحب منها بريء
علي فكرة ممكن تحذف تعليقي لومش عاجبك وانا مش هزعل ولا حاجة بس اتمني انك تفكرفيه
تقبل مروري

ليكوريكا يقول...

Blogger mostafarayan said...

ممكن اقولك حاجة وتقبلها مني انا حاسس ان الشخص دة ضعيف قوي
ويستاهل كلالشوك اللي مالي جسمه لأنه لما حد يجرحني اسيبه وانساه مش افضل اعذب نفسي به
قد يكون رأيي حادا بعض الشيئ ولكن بتخنق قوي منالناس اللي تفضل تعذب نفسها باسم الحب والحب منها بريء
علي فكرة ممكن تحذف تعليقي لومش عاجبك وانا مش هزعل ولا حاجة بس اتمني انك تفكرفيه
تقبل مروري

----------------------------

اولا يا مصطفي انا سعيد بردك ووجودك في البلوج هنا

ثانيا بالنسبه لرأيك اللي اكيد بحترمه
بص يا سيدي اولا فعلا زي منتا بتقول
الشخص ده ضعيف اوي
والانسان فعلا من اضعف المخلوقات اللي علي وجه الارض
والحب مظهر من مظاهر الضعف ده
لانك للاسف لما بتحب بتلغي مظهر من اهم مظاهر قوة البشر
وهيا العقل
الانسان اللي بيحب بيحب بقلبه
ولما بينخدع في الحب للاسف بيفكر بعقله
وساعتها بيتفاجيء بالاشواك والجراح اللي هوا فيها

رايي ورايك واحد
مع اختلاف انك بتقول ان لازم يكون الانسان قوي فكل الاحيان
بس ساعتها صدقني هيبقى عمره محب :)

سعيد بمرورك مره تانيه واتمنى متكونش آخر مره ...

غير معرف يقول...

مش لاقية حاجة تكتيبيها ما احنا حافظين الاغنية يا روح امك