الجمعة، 25 أبريل 2008

البنات



كل البنات جواها طيبه وقلب ابيض
لكن ساعات تلاقيها بتلاوع وتعند
وبلمسه من قلب أكيد بيحبها
تلاقيها راجعه اوام لطيبة قلبها
وده شيء ومش موجود غير في البنات

مولوده جواها حنان الام
بتعوزها تلقاها تشيل الهم
والبسمه فعنيها كلام مسحور
واللمسه في ايديها حنين ببضم

هما الملايكه فارضنا
وفي السما هما النجوم
وفي الكتب ... هما السطور
وفي الجنان ... هما حور
وفي القلوب هما نور ...
والنور ده مخلوق مننا
وازاي نعيش ازاي من غير بنات ؟

لا يمكن انسى امي واختي
لايمكن انسى سلمى بنتي
لا يمكن انسى امهات المؤمنين
والعزرا مريم ... مين ينساها مين؟

صحيح انا راجل وهيا ضلع مني
لكن قولولي ازاي ارفض حته مني
دنا الجماد وهيا فيا الروح
وربي وصاني عليها كتير
هيا الورود والعطر منها يفوح
من غير اميره ... ازاي راح ابقى امير ؟

ده كل البنات جواها طيبه وقلب ابيض
لكن ساعات تلاقيها بتلاوع وتعند
وبلمسه من قلب أكيد بيحبها
تلاقيها راجعه اوام لطيبة قلبها
وده شيء ومش موجود غير في البنات

من البوم : ليكو 2008

هناك 9 تعليقات:

رئـــــيسـة حزب الأحلام يقول...

الله جميلة اوى تحياتى لك بجد تحفة وربنا يخليلك البنات
وممكن بتوع حقوق المراة يخدوها

ليكوريكا يقول...

الله جميلة اوى تحياتى لك بجد تحفة وربنا يخليلك البنات
وممكن بتوع حقوق المراة يخدوها

--------------------------------

لا صحيح الواحد بيقول كلمه الحق

لكن متوصلش لحقوق المرأه

كفايه حقوق بقي ... معدش فاضل لينما حاجه :)

سعيد بمرورك واتمنى متكونش اخر زياره باذن الله

just me يقول...

تفتكر يا نبيل فى ولاد بتفكر كده؟؟؟؟
وان فكرو بيكون لغايه امتى؟؟

تعرف انى شفت واحده اخوها بيضربها فى الشارع واغمى عليها وجوزها واقف بعيد يتفرج

بجد اتصدمت

ليكوريكا يقول...

Delete
Blogger لست أدرى said...

تفتكر يا نبيل فى ولاد بتفكر كده؟؟؟؟
وان فكرو بيكون لغايه امتى؟؟

تعرف انى شفت واحده اخوها بيضربها فى الشارع واغمى عليها وجوزها واقف بعيد يتفرج

بجد اتصدمت

-------------------------------

بصي يا حسناء

مفيش ولاد كتير بيفكروا كده وفنفس الوقت برضو مش كل الولاد زي اللي بيضرب اخته وزي جوزها اللي بيتفرج

البنات (امر واقع) وربنا يستر علينا منكم الايام الجايه :)

just me يقول...

البنات (امر واقع) وربنا يستر علينا منكم الايام الجايه :)

---------------------------

كنت ماشى كويس يا نبيل

ليكوريكا يقول...

البنات (امر واقع) وربنا يستر علينا منكم الايام الجايه :)

---------------------------

كنت ماشى كويس يا نبيل


----------------------------

وهوا الامر الواقع وحش

دنا كده بجاملكم :)))

الاغنيه دي اساسا نزله وان موش في وعيي :)))

غير معرف يقول...

السلام عليكم

بجد البوست دة حلو اوى وعلى فكرة انت معاك حق فى كل حرف وكل معنى حتى كل تفصيلة، فعلا احنا البنات كدة مع شوية تغييرات لبعض البنات

بجد انت حد احساسة حلو حافظ علية

بالتوفيق

ليكوريكا يقول...

السلام عليكم

بجد البوست دة حلو اوى وعلى فكرة انت معاك حق فى كل حرف وكل معنى حتى كل تفصيلة، فعلا احنا البنات كدة مع شوية تغييرات لبعض البنات

بجد انت حد احساسة حلو حافظ علية

بالتوفيق

-------------------------------

شكرا ليكي عالرد وعلي المرور الجميل

واتمنى يكون ده رايك فعلا مش مجرد مجامله

ويكون كلامك ده (كلمة حق)

نورتي البلوج مره تانيه :)

غير معرف يقول...
أزال أحد مشرفي المدونة هذا التعليق.