عيوني الحزينه...
حتي الدموع مش راضيه تنزل منها
عيوني الحزينه...
بتخاف تغمض للغربه تجرح رمشها
عيوني الحزينه
هيا العيون اللي زمان كانت بتفرح
عيوني الحزينه
ملقتش وسط الناس أمان مبقتش تسرح
عيوني وعيونك
مشافتش غير الحزن بعد مسبتهم
عيوني فجوفنك
بعد الفراق عيوني فضلو لوحدهم :(
لما بنــــــــــام
عيوني تفضل صاحيه تبكي
وتقول كـــلام
ولنبض قلبي عيوني تشكي
وساعات بتصرخ
لكن نداها ميتسمعش !!!
وساعات بترسم
رسومات حزينه متتفهمش !!!
تسأل سؤال
بس الجواب صعب تلاقيه عند حد
بعد اللؤى
من البوم (ليكو 2007)
هناك 10 تعليقات:
جميله سا نبيل
ويارب مايكونش فى اى عيون حزينه
اجمل ماقالت العيون
ورااااااااااااائع
:)
الأول روح يا ولد خد التاج بتاعك من البلوج عندي
اسمع كلام أخوك الكبير
ثانيا بقى
أنت كئيب ليه ياض
ألف سلامة عليك
أكيد ده من أثر التعب
بس لو التعب بيخليك تكتب حلو كده يبقى أنت أكيد تعبان طول عمرك :)
كلامك حلو قوى قوى بس انا اتعلمت حاجة هى اة مش حلوة بس بتنفع قوى (عيش حياتك بالطول والعرض ومتسمحش ان يكون ليك اى شيى غالى علشان الغالى هو بس الى بيضيع)ومتحولش تفكر فى الى فات علشان كل يوم بيعدى بيبقى احسن من الى بعدة
سلاامى ليك ولقلمك
لست ادري
--------------
منوره كالعاده
ويارب دايما البسمه في عيون الكل
دكتور بهدوء
مرورك وردك الجميل بالتاكيد اسعدني
اتمنى التواصل دائما
صلصه حبي
مرقة عمري
كاتشب احلامي
حبيب قلبي من جوه
ورفيق التيليفون الاول
منوريني ياواد
وده اكيد مش من اثر التعب لانه من
2007
:)))
لو حياتنا مفيهاش غالي نستحق نعيش عشانه
يبقي قلتها احسن
صحيح محتاجين منتعلقش بحد
ومنديش لحد ثقتنا كلها
لكن في نفس الوقت منقدرش
هيا دي المعادله الصعبه
وهي دي حياتنا
---------------
اكيد مرورك اسعدني يا ساحره
واتمنى متكونش اخر مره :)
شكلك اتقلبتى وبطلى بقى تحبى على نفسك
إرسال تعليق