السبت، 5 يوليو 2008

جوا مني ... جوا منك !



جوّا منك
وجوّا مني
سر الحياه

جوّا منك
وجوّا مني
فرحه وآه

جواك كلام
مليان آلام

جواك حنين
جواك غرام

جواك سكون
مالي العيون

جواك صراخ
جواك جنون ؟

جواك امل
جواك حاجات بتتقتل
وحاجات كتير بتعيش سنين
مع انها ...
حاجات لا يمكن تكتمل !


جواك كلام خايف تقوله
وكلام كتير ...
نفسك تقوله
وكلام لقيتك جاي تقوله

مع اني حاسس ...

ان الكلام اللي انت قلته ...
وسمعته منك ...
مش جوا منك !

شايف دموعك
مع ان وشك مبتسم

عمال بتضحك
بتضحك ...
بتضحك ...
والضحك غرقان في الألم

والفرحه جواك
طريق مليان ورود
بس الربيع حالف
يغيب ولا يوم يعود !

والحب قصه
بطلها مش سعيد
ومش بعيد ...
ان النهايه
تكون الم ...
ودموع بتخرج مالوريد !


انا بحكي عن حبة حاجات
سمعتها برغم السكات
اللي ملينا ...
لكن عنينا ...
حلفت تبوح بكل شيء
كان جوا مني ...
وجوا منك !

-----------------------------------

شوف بوست
ليكوريكا بايظ ايديشن!
دلوقتي علي بلوج
http://lekorika.blogspot.com/
احلام مع ايقاف التنفيذ!

هناك 23 تعليقًا:

رئـــــيسـة حزب الأحلام يقول...

بجد انت شاعر جااااااامد اوى
كل مرة اجى الاقى كلامك مليان احساس
وتعبيراتك رائعه بجد بجد كلماتك بتعجبنى اوى
دمت بكل ود

سفروتة يقول...

رااااااااااااااااااااااااااااااااااااااااااااااااااااااااااااااائع


حقيقي بجد جميلة جدا كلماتك

مع انها حزينة شوية الا ان كلماتها جميلة


استمر

تحياتي

Blue Nile يقول...

رائع بجد
كل مرة بتثبت انك فعلا مبدع في العامية

جواك امل
جواك حاجات بتتقتل
وحاجات كتير بتعيش سنين
مع انها ...
حاجات لا يمكن تكتمل !
لجزء ده عجبني جدااا واقعي اوي
بجد برافو

دكتور بهــدوء يقول...

ايه داااااااه
ولا اروع بجد

انت مكانك مش هناااااا
صيدله ايه وبتاع مين


عندنا فاروق جويده زوغير يا ولاااااااااه


بجد تحفه

قلب ينبض لله يقول...

تحفه جدا جدا

جميله أوي

انا بحكي عن حبة حاجات
سمعتها برغم السكات
اللي ملينا ...
لكن عنينا ...
حلفت تبوح بكل شيء
كان جوا مني ...
وجوا منك

عنينا بتفضحنا وبتبوح بالأسرار

ابدعت مش جديد عليك

ذربونة هانم يقول...

كالعادة مبدع

بستمتع بوجودى هنا

تحياتى

إنسان || Human يقول...

حلفت تبوح بكل شيء
كان جوا مني ...
وجوا منك !
..........
الله الله ...بجد كلامك يجنن
مش محتاج وصف ولاإشادة
لأنك قايل كل الكلام

سارة علي يقول...

ايةدة انت مش دمك خفيف وبس انت شاعر شعرك امور اوى عارف انت بتكتبشعر غنائى حلو اوى يا محمد انت موهوب اوى وانا سعيدة انى عرفت مدونتك
تحياتى

Marionette يقول...

على الرغم من علاقتي الضعيفة المتوجسة بالشعر و الكلام المقفى , بس عجبتني قوي دي

دعوة للأمل يقول...

كلمات جميلة و رقيقة و ربنا يوفقك

r يقول...

عندك حق دايما الكلام اللى جوانا بيظهر بشكل تانى خالص
هو مش نفاق بس يمكن كلام صعب يتقال
او مش بنعرف نقوله صح

شعرك جميل اوى يا محمد
متابعاك ان شاء الله

ليكوريكا يقول...

رئـــــيسـة حزب الأحلام يقول...

بجد انت شاعر جااااااامد اوى
كل مرة اجى الاقى كلامك مليان احساس
وتعبيراتك رائعه بجد بجد كلماتك بتعجبنى اوى
دمت بكل ود

----------------------------------

دي مجرد مشاعر

اما الاحلام الي بجد نلاقيها عندك يا رئيسة حزبنا الحاكم نفسه :)

سعيد بوجودك في المقصوره ...

ليكوريكا

ليكوريكا يقول...

سفروتة يقول...

رااااااااااااااااااااااااااااااااااااااااااااااااااااااااااااااائع


حقيقي بجد جميلة جدا كلماتك

مع انها حزينة شوية الا ان كلماتها جميلة


استمر

تحياتي

-----------------------

متقلقيش سفروووته

وراكم وراكم

سعيد بردك :)

ليكوريكا

ليكوريكا يقول...

Blue Nile يقول...

رائع بجد
كل مرة بتثبت انك فعلا مبدع في العامية

جواك امل
جواك حاجات بتتقتل
وحاجات كتير بتعيش سنين
مع انها ...
حاجات لا يمكن تكتمل !
لجزء ده عجبني جدااا واقعي اوي
بجد برافو

-----------------------------

بيسعدني رايك اوي يا دكتوره

اتمني ميكونش مجرد مجامله

ليكوريكا

ليكوريكا يقول...

دكتور بهــدوء يقول...

ايه داااااااه
ولا اروع بجد

انت مكانك مش هناااااا
صيدله ايه وبتاع مين


عندنا فاروق جويده زوغير يا ولاااااااااه


بجد تحفه

-----------------------------

قولهم والنبي يا دكتورنا

بس بشوييييييش

بهدوووووووووء

:)

منورني كالعاده

ويدوم التواصل ...

ليكوريكا

ليكوريكا يقول...

قلب ينبض لله يقول...

تحفه جدا جدا

جميله أوي

انا بحكي عن حبة حاجات
سمعتها برغم السكات
اللي ملينا ...
لكن عنينا ...
حلفت تبوح بكل شيء
كان جوا مني ...
وجوا منك

عنينا بتفضحنا وبتبوح بالأسرار

ابدعت مش جديد عليك

------------------------------

ردك اكيد بستناه من بوست للتاني

يارب ميكونش مجرد مجامله

منوره البلوج كالعاده ويارب دايما

ليكوريكا

ليكوريكا يقول...

ذربونة هانم يقول...

كالعادة مبدع

بستمتع بوجودى هنا

تحياتى

-----------------------------

وانا اكيد ببقي سعيد بوجودكم هنا

يدوم الود باذن الله

ليكوريكا يقول...

Hu-man يقول...

حلفت تبوح بكل شيء
كان جوا مني ...
وجوا منك !
..........
الله الله ...بجد كلامك يجنن
مش محتاج وصف ولاإشادة
لأنك قايل كل الكلام

--------------------------

زيارتك الاولي

واتمني متكونش الاخيره

ليكوريكا

ليكوريكا يقول...

سارة علي يقول...

ايةدة انت مش دمك خفيف وبس انت شاعر شعرك امور اوى عارف انت بتكتبشعر غنائى حلو اوى يا محمد انت موهوب اوى وانا سعيدة انى عرفت مدونتك
تحياتى

-----------------------------

وانا اسعد برايك وردك وزيارتك للبلوج ده والبلوج التاني

اتمني ميكونش مجامله ولا اطراء

ليكوريكا :)

ليكوريكا يقول...

Marionette يقول...

على الرغم من علاقتي الضعيفة المتوجسة بالشعر و الكلام المقفى , بس عجبتني قوي دي

-------------------------

ده مش شعر

دي مجرد مشاعر

في فرق كبييييير اوي :)

اتمني تكرري الزياره

ليكوريكا يقول...

دعوة للأمل يقول...

كلمات جميلة و رقيقة و ربنا يوفقك

-----------------------------

ربنا يوفق كل شباب المسلمين للخير يارب

منوره البلوج

وسعيد بالزياره والرد

ليكوركيا

ليكوريكا يقول...

بسنت يقول...

عندك حق دايما الكلام اللى جوانا بيظهر بشكل تانى خالص
هو مش نفاق بس يمكن كلام صعب يتقال
او مش بنعرف نقوله صح

شعرك جميل اوى يا محمد
متابعاك ان شاء الله

----------------------------

بسنت

ردك اسعدني بججججد

اتمني اكون دايما عند حسن ظنكم

ومتحرموناش من الزياره ابدا

ليكوريكا

just smile يقول...

مررت من هنا كثيرا
قرأتها كثيرا
لعلي اجد ما استطيع به الرد
لكني لم اجد
وكان يحزنني ان امر بقول الشكر فقط
فليس بكافي
ولكن ليس لدي سواااااااه
شكرا على احساسك على نبض كلماتك