الأربعاء، 23 يوليو 2008

هوا ايه الحب ؟

كالعاده مقداميش غير اني اكرر اعتذاري
وخصوصا للواجبات اللي جتلي ولسه مجاوبتهاش
بس بجد يمكن انا مش مصدق اني قاعد علي جهازي دلوقتي؟
عموما باذن الله هحل الواجبين اللي جولي علي بلوج
(احلام مع ايقاف التنفيذ)
وهسيبكم مع حاجه من البوم ليكو 2007
اسمها
هوا ايه الحب ؟
يارب تعجبكم :)





هوه ايه الحب ؟!

هوه ايه معناه

هوه دقة قلب

ولا هوه حياه


هوه انك تبقي جنبي

بس برضه تكون واحشني

واما تبعد عني لحظه

يبقي كل الكون ناقصني


هوه انك تبقي ليا

كل عمري ليك شويه

لو هتطلب يوم حياتي

خد حياتي ونور عنيا


هوه طفل جميل مابيننا

اتولد لما اتقابلنا

لو هنبعد هيناديلنا

بالغرام يجمع مابيننا


هوه كلمه قلتهالك

والجواب شفته فعنيك

صوت سكوتك ببقي سامعه

من بعيد بلمس ايديك


هوه شوقي لحضن قلبك

حلمي بيك بتضمني

هوه قبل مقول بحبك

تبقي انت سمعتني


هوه لما النور بيرحل

تبقي شمسي وتبقي قمري

مهما يجري ومهما يحصل

مستحيل انساك ياعمري


هوه ايه الحب

هوه ايه معناه

هوه دقة قلب

ولا هوه حياه ?




هناك 34 تعليقًا:

فارس بلا جواد يقول...

السلام عليكم
ازيك يا محمد
مدونتك حلوه بجد

تقبل تحياتى

just smile يقول...

هو ايه الحب؟؟؟؟

ليكو بجد كلماتك جميله معبره وبسيطه
متنااااغمه جدا
بشكرك عليها

دعاء مواجهات يقول...

ياااة ياليكوو

دايما انت كدة تقلب علينا المواجع ياجدع

نورتنا ياعم

واحب اقولك ان الحب كل الحاجات دى مضروبة ف خلاط واحد محطوط عليها شوية ملح وشوية سكر

بس كدة
بسيطة ازااى

بيس يابرنس

elsa7era يقول...

ازيك ياباشا
هو الحب اية غير نظرة من عنية غير لمسة من ايدية غير قلب تخاف علية
ياااااااااااااااه
كلامك وجعنى ياراجل وفكرنا بالى احنا فية
سلام ياقمر

Mona Shereif يقول...

الله يصلح حالك يا ليكو وتسلم ايدك ودماغك اللى طلعت لنا الحاجات الجميلة دى

بنت مصريه يقول...

ايه يا محمد الجمال ده
دا انت بتشعر كمان
واو بجد بجد هايل
حلو قوى الشعر ده
احييك

بنت مصريه يقول...

ايه يا محمد الجمال ده
دا انت بتشعر كمان
واو بجد بجد هايل
حلو قوى الشعر ده
احييك

قلب ينبض لله يقول...

هو ايه الحب؟

سؤال صعب اوي والاجابه عليه أصعب بس أنت بذكائك وحسك العالي أوجزت الأجابه في أختيارين ان الحب دقة قلب ولا هو حياة

وأنا لو ها أختار ها أختار الاجابتين مع بعض

مبدع كالعادة

ربنا معاك في مشغولياتك :(

دعوة للأمل يقول...

الله عليك يا ليكوريكا بجد كلام رقيق و حساس اوى
هوه كلمه قلتهالك والجواب شفته فعنيك صوت سكوتك ببقي سامعه من بعيد بلمس ايديك
هوه شوقي لحضن قلبك حلمي بيك بتضمني هوه قبل مقول بحبك تبقي انت سمعتني
هو دة فعلا الحب
تحياتى لك

محاولة لكسر الصمت يقول...

هوه طفل جميل مابيننا

اتولد لما اتقابلنا

لو هنبعد هيناديلنا

بالغرام يجمع مابيننا


ـــــــــــــــــــــــــ
بجد مافيش كلام ممكن يتقال بعد كده

عروسة ننوسة يقول...

الله عليك وعلى كلامك.....هايل

Blue Nile يقول...

تحفة يا محمد بجد
بجد روعة وعجبتني جدااااااااااااااا
وشايفك بتتقدم بجد ماشاء الله
لازم تشوف حد يغنيها

(عندي مشكلة:
انا بضيف البلوج ده في مفضلتي وبيطلع التاني احلام مع ايقاف التنفيذ عشان كده اتاخرت عليك ياريت تقولي لو في حل اضيف دي ازاي عشان مش راضية)

رئـــــيسـة حزب الأحلام يقول...

ذالحب ايه
الحب صدق صدق فى المشاعر هو من الاخر حالة من الصدق من الطرفين
تحياتى

دكتور بهــدوء يقول...

واااااااااااو
طبعا الحب حياه
للاسف لسه ماعشتهاش

انا كاتب بوست عن نفس الموضوع تخيل؟؟؟
توارد خواطر ولا ايه

عروسة ننوسة يقول...

البوست حلو كتير

كلمات يقول...

تحب أقولك معنى جديد للحب الحب ياسيدي يعني علو الهمه نعم وعكسه تماما الكسل وبجد عجبتني مدونتك أوي

نونو يقول...

اية الكلام الجامد دة
يعنى اية ااحب فعلا كلمة جامدة
تصدق صعب اننا توصفة بكلمة

بنوتة من وسط البلد يقول...

هوه طفل جميل مابيننا
اتولد لما اتقابلنا
لو هنبعد هيناديلنا
بالغرام يجمع مابيننا

-----------------------
وبعديها هيحلقوا شعرك ظلبطة
ويجرجروك على اول مأذون يا بطة
الحق اطلع اجرى بقى واستخبي عند واحد صاحبك ويكون ندل :)))

:)))

بغض النظر عن حاسة الشعر الى هفت على نافوخى وانا بكتب الكومنت
بجد تسلم الايادى
:)

ليكوريكا يقول...

فارس منور البلوج

يارب دايما

ليكوريكا يقول...

just smile

انا اللي بشكرك علي مرورك وردك

مستنيكي دايما

ليكوريكا يقول...

دعاء

اكيد الحب اكبر من كل الكلمات

ومن كل الخلاطات

نورتيني ك)

ليكوريكا يقول...

الساحره

منوره بعد غياب

يارب دايما منورانا

ليكوريكا يقول...

some times

شكرا عالدعوه الجميله دي

نورتييييييييني

ليكوريكا يقول...

بنت مصريه

ويلكم باك :)

ليكوريكا يقول...

قلب ينبض بالله

بجد مش عارف ارد علي ردك

اتمني اكون ربع الكلام اللي انتي قلتيه

بجد منوره البلوج

وخلاص هانت كلها يوم 10/9 :(((

ليكوريكا يقول...

دعوه للامل

الحب هوا الامل في بكره

ولو مفييش حب مفيش بكره

نورتيني

ليكوريكا يقول...

دواير

عوده بعد غياب

يارب يكون المانع خير

ليكوريكا يقول...

عروسه ننوسه

منوره :)

ليكوريكا يقول...

بلو نايل

شكرا علي كلامك الجميل ده

بس بصراحه انا مش عارفلها حل

واساسا انا معنديش مفضله :((

عموما انا في الغالب بنزل المواضيع في وقت واحد علي

احلام مع ايقاف التنفيذ ومجرد مشاعر

شكرا لاهتمامك :)

ليكوريكا يقول...

رئيسة حزب الاحلام

الحب حلم ؟

جايز :)

منرانا يا رئيسة حزبنا الحالم

ليكوريكا يقول...

دكتور بهدوء

منور اكيد

وده شرف لينا ان خواطرك حصلها توارد مع خواطرنا :)))

ليكوريكا يقول...

كلمات

شكرا علي المعني الجديد

واتمنا تزورنا كل شويه :)

ليكوريكا يقول...

نونو

شكرا عالمرور والرد

متستنييييييييك تاني

ليكوريكا يقول...

بنوته من وسط البلد

-----------------------

ايه التفاعل الجميييييييييييل ده :)))

شكرا ليكي

ومنوره البلوجرز ...